نرحب بعضونا الجميل ال منورنااااااااااااااا

الدلوعه شوشو كتب:

لولولولولولولي مبروك يا عشوقه
انا فرحانه فيكي
اووووي
قصدي ليكي هههههههههه
ومبسوطه اني اول واحده هقتحم عليكي
بالاسئله
وموش تخافي اسئلتي حلوه
يلاااا نبدا
ماشى ياواتيه لولا انك اختى كنت ضربتك بس
هضربك بردوا
واشمعنا
انتى يعنى الى تبداى واتيييييييييييييييه
ع العموم ماشى ياستى هجاوب
وامرى لله
وثانكث ع مرورك

1- ما هدفك في الحياه ؟
انى احقق طموحى
واسافر برا

2- حلم نفسك يتحقق ؟
احج
بيت الله

3- حلم لكن مستحيل انه يتحقق ؟
انى اسافر برا

4- موقف محرج حصلك في حياتك و
في الموقع ؟
موقف بجد مش عارفه انساه
هو كان
هزار بس لانى لسه جديده
ومش اعرف الاعضاء
فانا افتكرتو جد او مش جد
قفشنا فى الكلام مع بعض
وخايفه يكون زعلان عشان كدا مش عارفه انساه

5-احسن سنه كانت بالنسبه لك ايه و ليه ؟
2006 عشان
عرفت فيها صحبتى الانتيم

6- ايه الاهم الكرامه ولا الحب وليه؟
الكرامه طبعا
لان لو ضاعت الكرامه يبقى ضاع
الحب

7- الخيانه بانسبه ليكي عباره عن ايه ؟
اصعب احساس ومش بقدر اسامح فيها

8-لماذا اخترتي اسم عاشقة الجمال؟
لانى بعشق كل حاجه فيها
جمال
وبعشق الجمال الروحانى

9- ماهو القسم المفضل لديك من المنتدى؟
مفيش قسم محدد كل الاقسام
وروحى ياشوشو
منك للى كلت دراع جوزها

HETTLER كتب:انا قولت ارحب الاول وارخم كدا نياهاهاهاهها

والله ونورتى الكرسى يا عاشقه

يلا هتاخدى علقه موووووت دلوقتى

اناهرجع تانى

بس هرجع ومش بأيدى فاضيه


انتظرى الاسئله

HETTLER كتب:

س1 -كل انسان وله أمنيات وأمال .. يا ريت تقولنا عن الأمنية اللي تتمناها ... ؟
انى اسافر برا واحقق كل طموحاتى
س2 ايه أصعب المواقف اللي مريت بها ؟
لما جدى توفى وشفتو بعنيا
لما حبيت واكتشفت انو وهم
س3 ايه موقفك من الحب ؟؟ وهل جربته ؟؟ هل تآامن بوجوده ؟؟
الحب شئ جميل واحساس للى يفهمو ويقدرو
ايوا جربتو
ايوا بس لو حب صادق
س4 فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟
بحكم الاتنين بس بحكم عقلى قبل قلبى
س5 هل ندمت فحياتك على شي معيّــن ؟؟؟
لاء بس بزعل ع نفسى اوى

س6 ما رأيك بهذه الكلمات ..
الخيانة .. اصعب احساس
المرأه.. نص المجتمع
الصداقة .. اجمل شئ فى الوجود
النميمة .. اعوذ بالله
النفاق .. محبوش


س7 ماهي أحسن صفه فيك , وماهي أسوء صفه فيك؟
لاء انا مش هعرف اوصف نفسى
انما اسوء صفه ونفسى تتغير انى بثق فى الناس بسرعه
س8 أحب الناس الى قلبك " من الأعضاء " ؟!
ملك روحى_عصفورة الجنه_السعودى
_هتلر_اميرة الحساس
س9 لو وقع في يدك فانوس علاء الدين وقيل لكي تمني ثلاث أمنيات ! ماذا سوف تتمني؟
او امنيه يسفرنى برا اى بلد
تانى امنيه ان انا والعيله نحج بيت ربنا
تالت امنيه بئا هى مش ليا بس لاخواتى انهم يخلصو دراسه ويحققوا كل بيتمنوه
س10 اسعد واجمل موقف حصل وتفتخر به حتى الآن ؟
لما نجحت فى الثانويه الفنيه وجبت مجموع يدخلنى كليه
وبابا كان فرحان بيا اوى
س11 اسواء موقف او ذكرى حصلت لك ؟
لما عاندت مع بابا ومش رديت ادخل ثانويه عامه
فضلت انا وهو متخصمين اكتر من شهر
بس اثبتلو الحمد لله العكس
س12 ماهي نقطة ضعفك ؟
الخوف
س13 من هو اهم شخص في حياتك؟
عيلتى
س14 إيه أحلى حلم حققته فى حياتك؟
انى اسافر برا واكمل دراستى بس هو لسه مكملش
بس هو احلى حلم فى حياتى ونفسى يتحقق
س15 اي اكتر مكان نفسك تروحه ومع مين؟
نفسى اروح مكان هادى ويكون ع البحر ويكون معايا اختى
مستنيه الباقى ياهتلور يارب خليم معايا
بس هى الاسءله كدا كلها اجبارى مفيش اختيارى

HETTLER كتب:
ما هو تعريف الحب ؟
الحب هو مشاعر متدفقه خارجه من القلب الى اللسان هو احساس صادق
الحب تعريفو كتير بس اهم حاجه انو يكون صادق
- هل تؤمن بالحب ؟
ايوا الحب موجود
- هل تؤمن بالحب من أول نظرة؟
ايون لانو فى شخص ممكن ترتاح ليه ومن مجرد نظرة تحبو
- هل يختلف معنى الحب عبر العصور؟
اها بيختلف حب زمان غير حب دلوقتى
حب زمان كان نقى مفيش فيه اى رسوب
دلوقتى الحب كلو رسوب ومينفعش يبقى اسمو حب
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
مراهقه كلام فاضى هبل يعنى
شباب فيهم الحلو والوحش يعنى ممكن يكون حب صادق او تسليه
بعد الاربعين الحب كلو خلاص بئا عشرة هههههههههه
معتقدش انو بياثر لانو لو بيحب بجد مش هيفكر فى السن
- أيهما أنجح ,الزواج عن طريق الأهل أو عن معرفة سابقة؟
عن طريق الاهل فااااااااااشل واوقات بيبقى ناجح
معرفه سابقه بردوا نفس الاجابه
بس انا عن نفسى اختار عن معرفه سابقه
- هل ممكن ان تحب أكثر من مرة؟
لاء معتقدش انى ممكن احب اكتر من مره
بس فى ممكن يحبو اكتر من مره لو
ملقوش الحب فى المره الى قبلها فبيدورو ع الحب الى هما عيزينو
-هل يمكن أن يكره الأنسان الشخص بعد أن أحبه؟
لاء لان الى بيحب مش بيكره
- هل للمادة دور رئيسي في استمرار الحب؟
لاء معتقدش بس فى حالات نادره فى كدا
- نجاح الحب مستحيل أم ممكن , و كم نسبة نجاحه؟
نجاح الحب ممكن لو الحب صادق من الطرفين
نبسة نجاحه50%
- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
مش عارفه بس ممكن اه وممكن لاء
- أيمكن للحب ان يغير مجرى حياتك؟
اه بصراحه بس فى حجات معينه مش كل حياتى
- البعد أيخفف المشاعر أم يلهب الأشواق؟
يلهب الاشواق فى حالة انك تكون مشتاق لحد غالى
- هل يتغير الحب بعد الزواج؟
لاء بس بيتغير فى حالات نادره
- بوجود الحب أيشترط وجود السعادة؟
لاء طبعا لان الحب اوقات بيبقا بيجيب سعاده
واواقات تانيه بيجيب تعاسه
- هل الغيرة ضرورية في الحب و ما دورها ؟ سلبي أم ايجابي؟
هى ضروريه بس لازم تكون بحدود
دورها انها بتعرفك اذا كنت بتحب الانسان دا ولا كلام فاضى وهو اوقات بيبقى سلبى
لما تكون الغيرة زياده او تملك
وايجابى لما تكون بحدود يعنى غيرة حب وبالمعقول
- أيهما أخلص الشب أم البنت؟
والله انا شايفه الاتنين لان فيهم الى بيحب بجد
وبردوا فيهم الى بيستهبل
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
لاء لانى اساسا مش بحب الموضوع دا

HETTLER كتب:تخيل نفسك وقد شارفت على الانتهاء وانك هتموت يعني في وقت الاحتضار
وطلبوا منك ...انك توصي باموالك وكل املاكك لاحد الاعضاء .. فلمن ستوصي ؟
هقسم املاكى بالعدل ع كل الاعضاء
------------------------------------------
3
تخيل انك في برنامج مصارعة حرة ...وطلبوا منك اختيار احد الاعضاء للمصارعة معك ..فمن ستختار ؟
هههههههههههههههههه السعودى طبعا عشان اطحنو
-------------------------------------------
4
تخيل انك محاصر بعشرة اسود ولكي تنجو قالوا لك
حط احد الاعضاء مكانك فمن العضو الذي ستختاره ليكون مكانك ؟
اسير حرب
---------------------------------------------
5
لو طلبوا منك اهداء هدية لاحد الاعضاء
فمن ستختار؟ وما هي الهدية ؟
هتلر والهديه عيل من عيالى وابلغ عنو البوليس
ههههههههههههههههههههه
لاء طبعا بهزر الهديه هتكون عنيا
-------------------------------------
6
لو طلبوا منك عمل لقاء مطوّل مع أحد الأعضاء ...
فمن ستختار؟
ملك روحى
-------------------------------------
7
تخيل أنك في طياره فيها جميع الأعضاء بس قالوا لك لازم تختار عضو
واحد عشان يرافقك في رحلة الهبوط بالبارشوت ..
فمن هو المرافق لك ؟؟
عصفورة الجنه
---------------------------------
تخيل أنك ميييت جوع ومافيش حاجه تاكله ولا عندك فلوس تروح للمطعم .. بس تقدر تروح لأحد الأعضاء عشان تاكل عنده ..
من تختار ؟؟
اميرة الاحساس
--------------------------------------
9
تخيل الليله زواج أحد الأعضاء ومن حظه النحس أنه حصلت له مشكله مع المرور وخذوه على المركزوحضرتك جيت عشان تكفله
بس قالوا لازم تجيب عضو ثاني يجلس مكانه ...
موسولينى اتفضل مكانى نيهاهاهاهاهاااااااا

فاصل

ونررررررررررررررررررررررررررررجع تانى مع بعض

السعودى كتب:

منوره يا عاشقه الكرسي ؟
بنورك طبعا ياسعودى
اوصفيلي احساسك و انتي قاعده على الكرسي ؟
عادى مرتاحه خصوصا ان الكرسى من الفيبر هع
.............

هل الكرسي يجبرك على الاجابه بكل صراحه ؟
اه لان الكرسى اسمو كرسى الاعتراف
.............

هل تمنيتي امنيه ولم تتحقق ؟
اه انى اشتغل
.............

لو انتي ماشيه في الشارع و واحد ضربك بالقلم رد فعلك اية؟
مش عارفه بس وقتها هتخض واعيط ومش هعمل حاجه تانى
...........

رسبتي كام مره في التعليم ؟
هى مره وكانت ماده عشان مش اخدت فيها كورس

كنتي شاطره و انتي في المدرسه ؟
اها يعنى بس مش كنت بحب المذاكره
................

اقرب واحد ليكي من الاعضاء ؟
الدلوعه شوشو
................

شخص واحد نفسك تضربيه من الاعضاء ؟
ههههههههههه السعودى
كام مره بكيتي فيها عن الحب ؟
كتيييير مش تعد
لو بتحبي شخص ؟ و عرفتي ان هو بيخونك رد فعلك اية ؟
لاء طبعا مش هكمل معاه
وقبل ما اسيبو هعرفو ان هو انانى
لو رايحه فرح تخدي مين من الاعضاء معاكي ؟
ملك روحى
اسعد يوم في حياتك كان امته ؟
لما قبلت صحبتى الانتيم
شخص نفسك تشوفيه من الاعضاء ؟ و تقوليله احبك مين ؟
عصفورة الجنه
واقول احبك لاميرة الاحساس
شخص من الاعضاء تهديله بيت شعر ؟

قد يرى الناس الجرح الذى فى راسك لكنهم لا يشعرون بالالم الذى تعانيه لهتلر

الله يعفيك اخويا وفكر بضمير
ههههههههههه
ومش تقلق الكرسى مريحنى

عصفوره الجنه كتب:

1-اول سؤال رخم كام مره حرقتى الرز؟هههههه
بصى هى مرة بس مش حرقتو لاء دا انا نسيت احط له ملح
ههههههههههههههههههه

2- هـوايتك المفـضلة وأكلتك المفضلة ؟
هوايتى الجرى والرسم وقراءة قصص الخيال
اكلتى بحب المكرونه البشامل اوى
3 أقرب نـاس ليك هنا فى المنتدى وبصراحة ومن غير لف ودوارن ويكونو 3 بسسس
هتلر سعودى الدلوعه شوشو
4- عـرفت منتدى معاك كافى ازاى؟
والله يااوختى انا كنت فى سيبر شيرو كنت بجيب النتيجه
لقيتلك الاخ سعودى قاعد ع المنتدى 24 ساعه ومن هنا اشتركلى فيه وعرفتو
5- حـبيتى كـام مرة ؟
مرة واحده
6- كـام مرة ارتبـطتى بشاب على سبيل تقضية الوقت ؟
ولا مرة لانى مش بحب تقضة الوقت
7-منتـدى معاك كافى بيمثـلك ايـة من حياتك ؟ وتقدرى تديـلو كام فى المـية من حياتك؟
بحسو انو بيتى التانى وفيه اخواتى
اديلو70%
8-آية رائيك فى المنتـدى؟
بجد فوق الرائع وكفايه الناس الى فيه
9- آيـة الاشياء الى معـترضه عليها فى المنتـدى؟
لاء مفيش حاجه بس اكيد لو فى هعترض
10-بتـصلى الوقت بوقتة؟
الحمد لله بس فى اوقات لما بكون برا فمش بقدر اصلى الوقت بوقتو
11- عـندك كام اخ واخـت
معنديش ولاد
بس عندى 2 اختين
12-انتى راضيه عن نفسك ؟ لو راضيه ليه ؟ولو مش راضيه ليه؟
لاء موش راضيه لان فى حجات كتيرة اوى نفسى اغيرها فيا
نورتينى ياعصفورتى وبجد اسئلتك عجبانى وخصوصا الرز