الساعه 10.00 الصبح
بوســى : الوووووووووو
عـــاشقــة الحب : الو ايوة يا بنتي سمعاكي وطى صوتك شويه صوتك خارم وداني
بوســى :معلش السماعه عندي بايظة .. المهم ازيك يا عاشقة انا بتصل بيكي انهاردة عشان عيد ميلادي
عـــاشقــة الحب : كل سنة وانتي طيبة با بسبس وطبعا هتعملي حفلة
بوسى : اكيد يابنتي هعزم كل الاعضاء في المنتدى بس الا اتنين طبعا
عاشقة : الحمد لله انا مش منهم... مين ارغي
طبعا البت المفجوعه روبــى والبت الكارثة ملك روحى
عاشقة بصوتها اضحك : هق هق ههههههههههه يخرب بيتك يا بوسى هيبقى يومك كحلي لو عرفو
بوسى : مانا بتصل بيكي عشان الموضوع ده عارفة لسانك ومش بتتبل في بقك فولة
عاشقة : تقصدي اني هقلهم عيب عليكي سرك في بيرررررررررر مخروم
بوســى : طيب يا ختي انا هقفل عشان اعزم بقية الشلة
عاشقة بعد ما قفلت السكة بتفكر " البت روبى صحبتي وانا مش هقدر اخبي عليها .. ضميري يا عالم نفوخي هتطق هقول وامري لله وربنا يسامحني "
عاشقة بدور الرقم
انا : الو
عاشقة الحب : الو ازيك يا روبى حبيبتي
انا : الحمد لله يا عاشقة امك دعيالك لسة قايمة من على السفرة وانتي بتتصلي
عاشقة " دعيالي ال هتعزميني باللاسيلكي "
عاشقة : بقلك ايه يا روبى بس امانة مش تيجيبي خبر لبوسى
انا : خير يا بنتي انطقي
عاشقة : كل خير .. البت بوسى هتعمل حفلة عيد ميلادها وبصريح العبارة مش ناوية تعزمك انتي وملك ورحى
انا : ايه الافترا ده
عاشقة : معرفش انا قلتلك اهو ومتجبيش رجليا في الموضوع
انا : اوك كثر خيرك اما اروح اقول للبت ملك
عاشقة : ماشي يا ستي سلام عشان الحق اجيب هدية
انا : سلام
اما اقوم ابعت مسج لملك
ملك.. حفلة .. اكل ... الاقيكي هناك
message send
الساعة 1.00 الظهر
يا بوسى
الله .. ياساتر يارب ايه العنكبوت اللى ع الباب ده ... بت يا بوسى ..انتي يا بت
بوسى : يا فتاح ياعليم يا رزاق ياكريم .. كل يوم الولية بتاعة اللبن الرخمة دى .. مش عايزين النهاردة يا ست
لبن ايه يا منيلة ده انا ملك
بوسى : ملك .. ايه الي جابك يا بت قصدي نورتي يا شيخة
في سرها ربنا يسترها علينا في يومنا ده واشوف فيكي يوم يا عاشقة
حمد الله ع السلامة عاش من شافك .ايه .اللى سمرك اوى كدة ده انتى مش باين منك غير السنان يا شيخة
ملك : هههههههههه الله يسلمك يا بوسى وحشتنى مووووووووووووت .. وبعدين انتي حتقعدي ترغى كدة وتسيبنى شايلة الشنطة على قلبى ..
بوسى : لا اتفضلي خشي البيت بيتك
ملك : استني لما اديكي هديتك
ومدخلة راسها جوا شنطتها وعمالة تحاول تتطلع حاجة معينة ومش عارفة
ملك : كانت معايا ! .. كانت معايا فى الشنطة .. ثم تنخرط فى بكاء عميق
بوسى : يا فتاح يا رزاق يا عليم .. هيا شنطة عربية ولا ايه؟؟؟ هاتي ادور معاكي
بوسى : ايه دا كلو يا بنتي
مناديل
أقلام
أوراق
صور
مقلمة
محفظة
أدوات مكياج
كتب
مصحف
كتاب أذكار
دبابيس
أزايز مياه
كوباية
سبح
( يعنى اكتر من سبحة عشان لو ماعرفتش توصل لواحدة تخد اللى قدامها على طول )
فلاشة
إم بى فور
سبراي وبرفان
كاميرا ديجيتال
موبايل
مفاتيح
شيكولاتات وبومبونى
لبنان
بسكويت
مصاصة
تفاح
زبادى
جزر
خيار
شاحن الموبايل
شاحن الكاميرا
شاحن الإم بى فور
شراب
جوانتى
اكسسوارات
المفكرة
مبرد
قصافة
مقص
مشط
توك شعر
فرشة سنان
معجون السنان
صابونة
فوطة
أدوية
مراهم
الساعة
كروت
ضمان الموبايل
سماعات
بوسى : خلاص يا ستي مش عاوزة واعتبري هديتك وصلت ..اتفضلي ارتاحي في الصالون عبال ماييجي باقي الضيوف
الساعه 1.30
الباب بيخبط خبط جامد
بوسى : مين .. جاية افتح اهو ايه العجلة دي
انا : بسرعه يا بنتي التورتة هتسيح مني
بوسى وعلامة اندهاش على وشها : روبى !!!!!!!!
انا : مالك زي ماتكوني شفتي عفريت
بوسى : لا ابدا اتفضلي .. وتاعبة نفسك ليه وجايبة تورتة
انا : دي مش ليكي دي ليا ههههههههههههه
بوسى بتبرطم في نفسها " مفجوعه من يومك " : ادخلي روبى جوا
انا : طيب انا عاوزة اساعدك في التحضير قبل مايشرفو الاعضاء
بوسى : لا بلاش تتعبي نفسك انا مجهزة كل حاجة
انا : طيب هاتي ولاعه عشان الشمع على التورتة
في لمحة بصر الشمعه وقعت على السجادة وهووووب يا حريقة مش عارفة جت منين
بوسى عمالة تصرخ:
ايه ده
الحقووووووووووونا
حريقأهاى حريقأهاى
ملك صاحبة النوايا الحسنة جت جري من الصالون
ملك : بسرعه هاتي ازازة الميه دى نطفى بيها
بوسى : لا يابنتى ده جاااااز هتولعيها زياده
ملك: هاتي تراب هاتي تراب
بوسى : ايه ده احنا فى البيت مفيش تراب
ملك: هاتي دقيق نطفى بيه
يلا شويه ميه بقى
روبى : ميه ميه كده الحريقه اتعجنت
سيبها بقى تخمر ممكن نطلع لينا برغيف
بوسى : كحكحكح كل همك على بطنك قولي هنعمل ايه فى المصيبه دى
روبى احنا ولعنا فى الشقه
بوسى : ايوة مانتي ولعتيها وملك الكارثة خربتها وقعدت على تلها
ترررررررن
بوسى : اجرى بسرعه افتحي كل الشبابيك والبلكونات خلى الدخان يطلع يا ملك هروح افتح الباب
وطبعا اول ضيف كانت عاشقة الحب واول ما شفتها بوسى طبقت زمارة رقبتها وقولو يا رحمن يا رحيم
تحيــــــــــات
CRAZYTEAM
*أفنديـــــــنا
*ملــــــك روحـــــــــى
* عـــــــــــــاشقــــــــة الحـــــــــب
عدل سابقا من قبل عاشقة الحب في الإثنين أغسطس 03, 2009 7:08 am عدل 2 مرات