من طرف مع ان الكلام ده انا مش بنفزه دايما مع اى حد لكن مفيش مانع نعرفه برده بس من باب الضحك والفرفشه بدل ما اشيل ذنب واحد علمته الرخامه على الناس . وكيف تتعلم اللماضه ؟
1) لما تساءل واحد وتقوله اقول ولا مقولش ...يقولك قول ...قوله قول وطعمية
2) لما تساءل واحد وتقله صح ولا غلط ...يقولك صح ...قوله صح النوم
3) لما تساءل واحد وتقوله الكلام دا حصل ...يقولك حصل ...قوله حصل وطحينه
4) لما واحد يقوله انا جيت نورت البيت ...قوله لا دا نور السطوح
5) لما تساءل واحد وتقوله دا احلى ولا دا ...وقالك سيان (يعنى متساويان يا جهله ) قوله سيانى بتوجعنى
6) لما واحد يقلك صباح الخير ....قوله صباح الدين الايوبى
7) لما تساءل واحد وتقوله ايه رايك فى حاجة ....وقالك جامدة ..قوله جامدة برباط
لما واحد يقولك طظ فى اى حد ......قوله طظ باللبن9) لما واحد يساءلك انت مين ....قوله انا بتاع الميلامين جامد ومتين
10) لما واحد يقولك انا بعمل حاجة ومش راضية تتعمل ...قوله مانت فقر اه فقر وقطة
11) لما تلاقى واحد لابس شيك كده او عامل حاجه حلوة ...قوله ايه الحلاوة دى دى حلاوتك ولا حلاوة رشيد الميزان
12) لما واحد يقولك دانا مفيش زى واحنا الى دهنا الهوا دوكو ...قوله احنا الى عملنا الهوا كروهات ولبسنا سمك مايوهات وخرمناهالوه لما حبينا نغرقه (هههههه)
13) لما واحد حابب يخلى القاعده حلوة ويقولك ما تيجى نلعب ....قوله العب قدام بيتكوا لهرش ميه
14) لو قابلت واحد مغرور وشايف نفسه وكل شوية يقولك انا جميل انا جميل ...قوله وانا اجمل من امك
15) لما واحد يحب يسمع منك كلمة حلوة ويساءلك ويقولك انا شكلى ايه .....قوله شكلك زى وشك
16) لما تلاقى واحد شكله حلو كدا وجميل ....قوله جمالك دا ولا جمال الدين الافغانى
.....وبكدا اقدر اقول انى سلمتكوا مفتاح تنتفعوا بيه فى الحياه ......
