من طرف 
السلام عليكم ورحمة الله وبركاته..
أنا عندي
مشكلة ويا ريت تساعدوني سريعاً في حلها كي لا أندم على أي تصرّف أتخذه؛
أنا فتاة أبلغ من العمر 25 عاماً مخطوبة لشخص بيحبني أوي من زمان من تسع
سنين، وأنا طول الـ9 سنوات لم أحس بحبه ليّ، وكنت أتعامل معه في نطاق
الصداقة، المهم إحنا اتخطبنا من حوالي 5 شهور تقريباً، أولاً: هو شخص طيب
أوي وحنين عليّ أوي وبيحبني وبيحترمني أوي، وكمان أهله بيحبوني وبيحترموني
أوي، بس المشكلة إن خطيبي ده باحس بالراحة بعيد عنه مش في قربي منه؛ بمعنى
إني مش باعرف أتفاهم معاه لما بيبقى فيه مشكلة بنا بيجادلني وآخر ما بازهق
من مجادلته ليّ باسكت.
ثانياً: بيغير عليّ أوي لدرجة تخنق بمعنى
إننا نبقى كويسين طول ما أنا مش بانزل من البيت، لكن ساعة ما أقول له إني
خارجة مع واحدة صاحبتي أو راحة مشوار مع ماما بتبقى ساعة سودا عليّ، ونفضل
نتخانق ويحكم عليّ إني ما انزلش، وأنا طبعاً ساعات أعند وأنزل وساعات
أكبّر دماغي عشان ما اعملش مشكلة.
وآخر مشكلة حصلت ما بنا كان عندنا وبيسألني:
رحتي فين النهارده؟!! قلت له: نزلت مع ماما الصبح نشتري شوية حاجات، قالي:
رحتي الساعة كام قلت له 12، قال لي: جيتي الساعة كام؟!! قلت له: 2، قال
لي: ساعتين بتعملي إيه؟!! ضحكت وقلت له: ثواني هقول لك، راح مزعق فيّ وفضل
ساكت، وقال لي أنا ماشي قلت له مع السلامة، وما سألتوش إيه اللي زعله؛
لأني حاسة بجد إني ما غلطش فيه، وحسيت إني جبت آخري، هو موقف تافه بس كل
مشاكلنا بسبب كده، عايزني لو رحت أي مكان أستناه لما يخلص شغل وييجي
معايا، مع العلم إن ماما في آخر مشكلة قالت لي إنتم مش هتنفعوا مع بعض؛
لأنه بالطريقة دي هيتعبك نفسياً، أرجوكم أفيدوني أكمّل معاه ولا لأ؟!!
ولكم جزيل الشكر.
sh
معلشى يا جماعه يارت تقرأ المشكله دى كويس قبل ما ترد
