من طرف 
نذاله ام فتنه ولا إحقاق للحق...؟!
قال رسول الله صلي الله عليه و سلم
_ " من رأى منكرا فاستطاع أن يغيره بيده فليغيره بيده
فإن لم يستطع فبلسانه
فإن لم يستطع فبقلبه
وذلك أضعف الإيمان "
أنا بجد مش فاهم ليه...؟!
كل ما نشوف حد في موقف سيء أو ميرضيش ربنا
نتركه و منغيروش للأحسن...!
بمعني
نفرض فرضيه ما
إن مثلاً أخوك الكبير أو صاحبك أو أختك الكبيره
بيعملوا أشياء مش كويسه
أخوك مثلاً بيجيب أصحابه البيت و يقعدوا يشربوا و يسكروا
و يشربوا مخدرات ، أختك بتصاحب شباب و انت عارف
، صاحبك بيجيب بنات في البيت..
و مترضاش تقول لوالدتك أو والدك أو أي حد
تحت مسمي انا مش ندل ولا فتان ..
أو الي يعمل فيها شريف و يقولك
_ " لأ .. الي ربنا ستره أنا مفضحوش..! "
أنا متشتت
الي يشوف الغلط و يبلغ عنه يبقي نذل
و فتان و بيفضح الناس...
و الي يتستر علي الغلط .. يبقي بيعصي اوامر ربنا و منافق
و كلنا نقدر نصلح في الغلط ده
طيب أنا مستني الردود عشان انا بجد مش عارف أقول ايه...؟!
لأن الواحد خلاص تعب و اتشل من الي بيشوفه قدامه..
ولا عارف يسكت و ولا عارف يتكلم
و يبقي الحل الوحيد
لا أسمع لا أري لا اتكلم
و هو برضه
(( الباب الي يجيلك منه الريح سده و استريح ))
