من طرف عاشقة الحب الإثنين أغسطس 17, 2009 1:11 pm
شكرا يا احمد على اسئلتك الجميله دى وانا اسفة كتير على تأخير ردى النت كان فاصل بس
يلا نبتدى بقى بالاجوبه بدل الرغى دة
هل تؤمنى بالحب من أول نظرة؟
لالالالا طبعا مفيش حب من اول نظرة
يعني معقوله في حد يحب حد من اول نظره بدون مايعرفه ولايعرف اخلاقه ولااصله ولادينه الحب من اول نظرة = أعجاب شكلى لا اكثر
هل يختلف معنى الحب عبر العصور؟
المعنى لا يختلف واحد باحساس واحد لكن الاسلوب بيختلف من عصر لاخر
ما هو تأثير العمر على معنى الحب في المراحل التالية ( مراهقة , شباب , بعد الأربعين )؟
المراهقة مشاعر قوية ... شباب حب الدنيا مش هتقف علي حد يحب شويه يسيب شويه يزعل شويه عادي .. بعد الاربعين حب هاديء مش عايز غير الاستقرار
فرق العمر بين الطرفين هل يؤثر على علاقة الحب؟
لالالا خالص
أيهما أنجح ,الزواج عن طريق الأهل أو عن معرفة سابقة؟
والله هما الاتنين كويسين وساعات بيكونوا عادة سيئه وغير نجحه يعنى ممكن عن طريق الاهل يكون جواز تقليدى ويقلب بمشاكل وممكن عن طريق المعرفه يكون وراه اضرار
هل ممكن ان تحبى أكثر من مرة؟
والله يااحمد انا مجربتش بس اكيد على اما بشوف ممكن
هل يمكن أن تكرهى الشخص بعد أن أحبتيه؟
لالالالالالالالالا ابدا انا عمرى ما كرهت حد خالص
نجاح الحب مستحيل أم ممكن , و كم نسبة نجاحه؟
لالا مش مستحيل ولا حاجه الحب دة حاجه جميله واجمل شىء فى الحياه ههههههه حقيقى انا مش عارفه اقولك كم نسبه بس هو مش مستحيل
هل يمكن أن يستمر الحب في حال تغير الطرف الآخر من نواحي
لالالا معتقدش انه يستمر
أيمكن للحب ان يغير مجرى حياتك؟
ههههههههههه أيمكن لالا دة هو غير حياتى كلها
البعد أيخفف المشاعر أم يلهب الأشواق؟
لا يلهب الأشواق
بوجود الحب أيشترط وجود السعادة؟
طول ما فى حب بجد وبأخلاص طول ما السعادة موجوده
هل الغيرة ضرورية في الحب و ما دورها ؟ سلبي أم ايجابي؟
ضروريه جدا ــــ سلبى لو زياده عن اللزوم
أيهما أخلص فى الحب الشاب أم البنت؟
البنت طبعا مخلصه فى حبها اما الولد ممكن يكون اه مخلص بس ممكن تيجى اى وحده تانيه تنسيه حب وجرحه وكل حاجه
هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
لا ممكن يكون اعجاب بأفكار الشخص اما انه ينتهى بزواج دة نادر جدا وتقريبا معدوم ممكن يكونوا اصدقاء وممكن يحبوا بعض بس ما يكملوا لان الطريقه من الاساس غلط
ميرسى ليك يااحمد والله اسئلتك جميله اوى اوى وربنا يخليك يا قمر
تحياتى ليك