عايزة ترحيب من ناررررررر عشان قبطان نوررررر..........

BECKHAM كتب:الظاهر محدش قادر يسألك ... فهسأل انا..

س1: إيه أكتر حاجة عملتها و ندمت عليها و اتمنيت لو الايام ترجع ومتعملهاش؟

بصراحة ندمت على واحدة كنت بحبها
بس لو رجعت بيا الايام مكنتش هاغير حاجة لأنى بجد اتعملت منها كتير والحمدلله

س2:املأ الفراغات بالعضو المناسب:-

1- عضو محبوب :- ديد هارت
2-عضو رايق :- مولتو
3-عضو عصبي :- لايوجد
4-عضو مواضيعه رهيبه :- ملك روحى
5-عضو ردوده جميله :- ديد هارت
6-عضو مطنش :- كتير
7-عضو ناقد :- روميل
8-عضو مرتب :- هتلر
9-عضو أعجبك إسمه :- الحكمدار
10-عضو أعجبك لقبه :-
11-عضو عايز تشوفه :- كلكم
12-عضو توقيعه رهيب :- ماسك
13-عضو نشيط :- ملك روحى وديد هارت والسعودى
14-عضو متعاون :- روميل
15-عضو واثق من نفسه :- هتلر
16-عضو يعجبك مزاجه :- مولتو
18-عضو تتمنى يتقدم :- اكيد كلكم
19-عضو مثقف :- افندينا
20-عضو هاديء :- روبى
21-عضو مميز :- جلاكسى
22-عضو كلامه فى المضمون :- روبى
23-عضو تحسى أنه اكبر من سنه :- ملك روحى ومولتو واميرة الاحساس
24-عضو عايز تتخانق معاه :- اميرة الاحساس عشان دبستنى هنا
25-عضو يناسبه لقب ( الطموح ) :- دريمز نايت (فارس الاحلام )
26-عضو تستمتع بالنقاش معه :- تيم معاك
27-عضو يهمك رأيه :- تيم معاك
28-عضو تنتظر رده على مواضيعك :- لايوجد انا بحب اشوف اراء الجميع
29-عضو تعتبريه قدوة :- معتقدش انك تلاقى هنا حد
30-عضو جاد :- احنا جايين نهزر هنا جد ايه بقى
31-عضو متمكن :- قصدك سيطرة مولتو
32-عضو قوي الشخصية :- ديد هارت
33-عضو تفرح لوجوده متصلاً :- لا يوجد
34-عضو تتابع مواضيعه بإهتمام :- هتلر
35-عضو تتمنى صداقته :- نفسى يبقى كلنا اصدقاء

س3:أسماء اشخاص توصفهم فى كلمة واحدة ..


هتلر حبيبى

روميل يعتمد عليه

مولتو حكيم (مش اللى بيغنى)

ليجند مطرقع

السعودى صاحب صاحبه

أميرة الاحساس اسمها بيدل عليها (اميرة)

اسير العذاب طيب

ديد هيرت عاقلة (مخها كبير يعنى )

ملك روحى احساس المنتدى

روبى دلوعة المنتدى

المصمم برنس

بيكهام (انا) الكبير كبير

أفندينا اخويا

اميره الاحساس كتب:تسلم يا عم قبطاااان ع اجابات
وبعدين هتلاقى منين تدبيسه احلى من كده ها فولى
وخد بقى حبه الاسئله دول عشان تتظبط اكتررررررر
1- ما هى اللعبه المفضله اليك ؟؟

قاعد بفكرة فى لعبة مش لاقى
بس انا بلعلب حاجت كتير كرة قدم سلة بينج بونج وهكذا يعنى

2-من هو اغلى انسان ف حياتك واحد بس؟؟؟

والدتى

3-بتروح فين كل اجازة ؟؟ وايه نفسك تحققه بما ان الاجازة قريبه ف الاجازة دى؟؟؟

راس البر
انى مضيعش ولا ثانية فيها الا انى انام
هههههههه
قصدى يعنى استمتع شوية قبل ما ادخل على الدراسة

4-موقف حسيت انك اتظلمت فيه؟؟؟

دكتور عندنا فى العملى بتاع المادة انا بحضر له المحاضرة على طول
دخلت عليه فى العملى بص فى وشى وقام قالى انت مش بتحضر ولا محاضرة اطلع برة
احلف له انى بحضر وده لأ هو مصمصم انى مش بحضر
من ساعتها وانا بتمنى ان لو النتيجة ظهت وانا سقطت فى المادة دى بسبب الحكاية دى
ادعى انه مايدخلش الجنة ابدا بسبب الحاكية دى لانى فعلا مظلوم

5-ايه اكتر حاجه بتخاف ممنها؟؟؟

انى ابقى وحيد

6-ايه اجمل هديه اخدتها فى حياتك ومن ومين؟؟؟

مصحف من واحد صاحبى

7-عايزة عضو قريب من قلبك؟؟ وعضوه قريبه الى قلبك؟؟

هتلر و اميرة الاحساس
مش بجملك على فكرة

8-ايه اخر مصيبه عملتها؟؟؟

الحمدلله مش فاكر ابقى اسألى اى حد من تيم معاك وهو يقلك
عن نفسى معرفش بس الواحد مش بيحس بنفسه


9- دموعك قريبه ولا لا؟؟؟واخر مرة بكيت من قلبك اووى؟؟

الصراحة لأ صعب دموعى تنزل بس سهل أوى انى اتخنق بس بكتم فى نفسى
اخر مرة كانت يوم وفاة بابا
والمرة التانية كانت هتحصل بس كتمت نفسى بطريقة شبه مستحيلة ودى فى فراق اول حب

10-عصبى من الدرجه الكام ؟؟ وبتعمل ايه اما تكون عصبى؟؟

انا عمرى ما كنت عصبى لكن اان ممكن امثل العصبية على اللى قدامى عشان يقدر يحس بمدى خطأه
يعنى فى انواع من الناس لازم صوتك يعلى عليهم عشان يقدروا يسمعوك دولت بمثل عليهم العصبية

11-ايه هى نقطه ضعفك؟؟

قلبى

12-رساله ع موبايلك استحاله تمسحها ومن مين؟؟

هى رسالة عادية جدا مفهاش حاجة
رسالة من واحدة صديقتى انا بعزها أوى أوى
بس بتكرنى بيها على طول ومش بمسحها

3- انسان بتتمناه يتصل بيك كل يوم؟؟؟

مش موجود انا فى المرحلة دى

لسه فى تاااااااااانى متخفش
بس جاوب ع دول

deadheart كتب:

لولولولولولولى...ألف مليون مبروك على الكرسى يا قبطان

[b]

*قبل أى حاجة ميرسى كتير على رأيك اللى أعتز بيه فى إجاباتك.

[b]

وأتمنى تكون أسئلتى خفيفة عليك.

1-
كم مره رسبت في دراستك؟ (بدون كذب)

مرتين والحمدلله وعلى العموم انا عميد كليه هندسة اللى عايزنى يسأل عليا هناك

2- ماهي امنيتك في الحياة؟

نفسى اتخرج واشتغل واعيش حياتى فى حرية واستمتع بالحياة

3- بصراحه كم جنيه فى محفضتك?

ولا مليم معايا لكن معايا ربع جنيه مقطوع فى المحفظة يعنى ما يصرفش

4- في اي مدينه ساكن؟هههههههههههههه وبتحبها ولا بتكرها؟ وليه فى كلتا الحالتين؟

انا ساكن فى فرنسا الانجليزية اللى جنب اشمون
طبعا من دكرنس وطبعا مش بحبها
بطبيعة الحال الانسان بيحب التغير يعنى عمر ما حد يحب المكان اللى عاش لازم يتنقل من هنا لهنا عشان يقدر يحس بالمتعة اللى موجودة فى المكان اللى هو فيه


5- كم ساعه تجلس على النت؟

متوسط 3 ساعات

5- إمتى آخر مرة إتضربت؟ ومن مين؟ وليه؟

الكلام ده من زمان أوى بس ماكنتش انضربت الحمدلله
انا اه جسمى ضعيف لكن عندى مخ محدش يعرف يضربنى من الاخر

6- إذا إكتشفت ان صداقتك مع انسان مزيفه هتعمل إيه؟

ربنا يسامحه بقى بس مش هاكلمه تانى

7- إنت مسجل فى كام منتدى غير ده؟

كتير بس ده المنتدى الوحيد اللى بشارك فيه

8- مااصعب موقف مر في حياتك؟

امممممممممم مش فارك والله

9- من هو اهم شخص في حياتك؟

بعد والدتى اصدقائى فى الوقت الحالى
يا رب يبقى فى واحد تانى (ههههههههه)

10- نوع موبايلك إيه؟ ونفسك تغيره ولا لا؟

انا معايا 2 موبايل واحد شغال استقبال فقط واغانى لأنه بايظ اساسا
والتانى سامسونج وده فول اوبشن وفيه كشاف
عادى يعنى لو جيت فرصة انى اغيره هاغيره

11- من هو العضو المفضل ليك فى المنتدى؟ (عضو واحد بس).

مولتو

12- مين أكتر عضو أو عضوة حبيته جداً من أسلوبه فى الردود والتوبيكات من غير ما تتكلم معاه؟

ديد هارت مواضيعك جميلة جدا

13- لو إتمنيت تشوف عضو(ة) فى المنتدى يكون مين؟

مفيش حد

14- كلمت بنت قبل كده على الشات وطلعت ولد؟ وعملت إيه؟

لأ ....... انا مش بكلم على الشات كتير غير كده انا مش بتفرق معايا ولد او بنت لأنى كلام مع الاتنين واحد ده اخويا ودى اختى

15- يا ترى إنت بقى عملت بنت قبل كده على النت؟ وليه للإجابتين؟

اه ...عملت فى واحد صاحبى كان قاعد على جهاز جنبى فى سيبر بس كان هزار يعنى
وقلتله قبل ما نطلع من السيبر عشان ما يزعلش يعنى
عامة انا مش بحب الاشتغالة اللى من النوع ده

16- بتقتنع بالحب عن طريق النت؟ وليه للإجابتين؟

لأ... بحس انه حب مصطنع يعنى من السهل جدا ان تلاقى حد بيمثل الحب وبيعيش يومين بس عل النت ومش عامل حساب لمشاعر الشخص التانى
ياريت اى حد بيعمل كده عل النت يحس على دمه وكما تدين تدان

17- يا ترى إنت عصبى من الدرجة الكام؟ ولو عصبى جداً وإتحطيت فى موقف يعصبك أكتر هتعمل إيه؟

سؤال مكرر ....انا مش عصبى

18- هل ندمت فى حياتك على شىء معين؟

سؤال مكرر ...... انا بتعلم ومش بندم

19- ما هو الشىء الذى يطاردك فى كل مكان وإنت تتهرب منه؟

زكرى عن اول حب لأنه احساس جميل نفسه اعيشه تانى

20- لما بتكون حزين بتعمل إيه؟

بقعد لوحدى

21- إيه أحلى حلم حققته فى حياتك؟

لسة محققتش ولا حلم عندى غير انى خرجت من الثانوى العامة بمجموع
وكان نفسى انقص نص درجة عشان اطلع بره الدقهلية خالص

22- ما هي الأمور التي تصعب عليك ذكر كلمة ( لا ) عندها

عمرى ما اقول لواحد صاحبى محتاجنى لأ


23- امتى بتحس باليأس؟

بحس باليأس وده بجد مش هزار وانا داخل الكلية بتاعتى
لأنى اتظلمت فيها وحاسس انى داخل سجن

24- أنهى أصعب بالنسبة ليك الخيانة ولا الوداع؟ وليه؟

الوداع ..... لأن الخيانة معناها ان الواح مش مقدر للشخص ده لكن الوداع فراق اتنين بيحبوا بعض
طبعا الوداع اصعب

25- رساله شكر لمن تهديها؟

لكل واحد احترمنى وحبنى زى ما بحبه

26- رساله عتاب لمن تهديها؟

لكل واحدمش عارف قيمة صاحبه ويخسره عشان اتفه الاسباب

27- متى آخر مرة فتحت القرآن الكريم؟

رمضان اللى فات

28- الشائع إن دمعة البنت قريبة عن الولد وإن لما الولد بيعيط بينظروا ليه نظرة ضعف.إنت بقى إيه رأيك فى ده؟ ويا ترى دمعتك قريبة ولا لأ؟

المفروض ان قدرة الولد فى الاستحمال اكبر من البنت عشان كده الناس بتبص عليها انها ضعف
وانا متفق مع المقولة دى

الصراحة لأ صعب دموعى تنزل بس سهل أوى انى اتخنق يعنى فاهمة لما تلاقى قلبك كده زى ما يكون واحد بيعصره

29- إمتى آخر مرة بكيت فيها بجد ومن قلبك؟ وكان سببها إيه؟

بكيت يوم وفاة بابا كانت بحرقة

30- ليك واحد صاحبك جداً وعارف اللى مرتبط بيها وعرفت أنه مش بيحبها وهى بتحبه بجنون.إنت فى الحالة دى هتعمل إيه؟

لو هو صاحبى أوى هاكلمه واقله تجيب للموضوع ده نهاية على طول

لكن لو هو مش صديقى قد كده هاروح اقوله فى نفس الوقت هاروح اكلم البنت اللى بيلعب عليه دى


[b]

وعلى فكرة إنت نسيت ترد على سؤال على أو ممكن تكون أجلته عشان الوقت أنا قلت أفكرك.

معلشى اصل ما كنت شفت السؤال وبعدين على كاتب بخط صغير وانا مش لابس النضارة اعمل ايه يعنى


[b]

فــــــــاصل ثم نــــــواصل

deadheart كتب:

ودول كمان حبة أسئلة صُغيرين

1-
صــف نفســـك بكلمتيـــن فقـــط؟

طيب بس مش سهل

2- مــاهــو الشــئ الذي ندمــت علــي عمـلــــه؟

لسة مندمتش على حاجة

3- كـلمـــة تمنيـــــت ان تسـتطيـــع سحـبهــــا؟

احبك صعب تتقال وصعب اسحبها

4- آخـــر شخـــص تتـــذكــــره قبـــل أن تنـــــام؟

اخر حاجة السرير انا مش بفكر لما اجى انام

5- جــريمــة تتمنـــي لـــو تستطيـــع ارتكابهــــا؟

اقتل وبلاش اقول مين اجعل كلامنا خفيف عليهم

6- حمـامة زاجـــل حاملـــة رســالة لـك....من من تتمنـى ان تكــون؟

حد يكون بيحبنى بجد ومش هتفرق المهم احس ان ليا لازمة بالنسبة لشخص معين فى الحياة

7- شخـــص لطــالما حـــلمـــت بــــه؟

لسة ملقتش الشخص ده

8- دمـعـــه انـذرفــــت رغـمــاً عنـــك؟

دمعة فراق

9- مـوقـــف صــدمــك ولــن تنســــاه؟

خيانة من واحد حبيته

10- شـخــص تتمنــي الإنتقــام منـــه؟

مفي ش.. الانتقام عمره ما يفيد حد

11- شــئ او عمــل لا تستطيــع مســامحته؟

انا قلب مسامح بس المشكلة فى الناس هى اللى مش بتقدر تفهم كده

12- شــئ او شخــص غيــّر مجــري حياتـــك؟

حبيبى الاولانى

13- حلم لا تستطيـــع تحقيقه؟

اعيش بحرية ول حياتى وميكنش فى يوم تعاسة

14- كلمة تود سماعها كل يوم؟

ازيك يا احمد بس مش من اى حد

15- القمر-الشمس-النجوم...........ايهم تفضل والسبب؟

القمر والنجوم عشان بيطلعو بليل اصل انا كائن ليلى مش بحب الشمس واكيد باين على وشى

وهحاول أفكر فى جديد إن شاء الله على أما تخلص دول

اميره الاحساس كتب:ههههههههههههههههههههههههههههههههههههههههه
مش عجبك يا قبطااااااان ولا ايه
انا مش قولتلك هاخد حقى يعنى هاااااخد حقى
ونشوف مين فينا هيضحك ف الاخررررررررر
ههههههههههههههههههههههههههههههههههههههههههههههه
استلم دول كمااااااااان بقى


ماشى يا اميرة ما هو الكرسى بيلف برده وهايجى عليكى يوم
اصبرى عليا بس

1-امتى بيقسو قلبك ع الى حوليك؟؟

قلبى عمره ما بيقسى على حد الا لما يكون شخص مش كويس

2-هل ف يوم من الايام قدرت تنتصر ع نفسك ؟؟

ايوة اكتر من مرة اقدرت اتنص لى نفسى الحمدلله

3-امتى تحس انك مكسوف من نفسك؟؟

لما الاقى نفسى عملت حاجة غلط

4-عن ماذا تبحث انت وانت ف من كله بيحبث عن الفلوس والماده وبس؟؟

لا انا بدور على راحة البال والفلوس مش كل حاجة ونفس الوقت بتحقق حاجات كتير للانسان

5-اعضاء تعجبك كتاباهم اوى وبتصنفعهم ع اساس ان هما اعضاء اجيابين ولا سلبين؟؟

ديد هارت ومولتو وهتلر
ديد هارت وهتلر ايجابين لكن مولتو بيفكر فى السلبيات اولا

6- اسرارك عند مين تودعهااا؟؟

انا معنديش اسرار والحمدلله بس لو عندى بتكون مع اصدقائى

7-مين اعضاء ف المنتدى هنا ممكن تعمله حساب؟؟ وعضو بتخااف منه؟؟ وعضو تحب تشوفه؟؟

مفيش حد يتعمله حساب او يتخاف منه لو احنا داخلين المنتدى وبنفكر فى كده يبقى المنتدى ملوش لازمة لااننا داخلين المنتدى عشان نبقى اسرة واحدة
مفيش حد معين عايز اشوفه


8-ما رايك بالحكمه القائله
اذا خانك احدهم مره فالذنب ذنبه واذا خانك مره اخرى فالذنب ذنبك

اول مرة اسمعها بس جميلة جدا وفعلا مقولة صحيحة

9-ايه اكلتك المفضله؟؟ وايه برجك ؟؟

بحب مكرونة بالباشميل وانا برج الحوت


كفايه دول
هفكر كده اذا اجيب تااانى اوو لالا