بسم الله الرحمن الرحيم
انهاردة اسمحوا لي ان اتحدث في موضوع يخص الشارع المصري
نزلنا علي كافتريا اسمها الشارع في اي مكان في مصر
حركة ودوشه وكلاكسات عربيات وشباب مصري رايح جاي
برمي عيني بالصدفة كدة لقيت اربع شباب زي العسل بيتمشوا
المنظر العام بيخبطوا في بعض يعني معليين الدماغ قوي
هههههههههههه
المهم .واحد منهم شايف بنتين ماشيين قدامهم*
بسسسسسسسسس..اية ياقمر .ماشي لوحدك لية.
واحدة منهم لبسة طقم اصفر .
البرنس..علي كدة ماما فرخة علشان تجيب الصفار دة كله
هههههههه
المهم بالصدفة كانوا داخلين الكافتريا وبالصدفة اخدوا الطربيظة اللي جنبي
فحبيت اتكلم معاهم*
فاقولتلة اية ياعم الحلاوة دي..فرخة وصفار ..اية ياعم الكلام الحلو دة
فقالي مساء الخير يابرنس*
قولتلة لزمتة اية بس الكلام دة .البنت ماشية في حالها يعني ..الخ
رد عليا بكلمتين وبدون تعليق*
خليك ياعم في حالك ..ماتبوظليش الدماغ اللي انا عاملها
كان فية في نفس الوقت دة 3شباب قاعدين قريب مني*
واحد منهم قالي*
ياعم فكك انته هاتوجع دماغك في الفاضي .
ماتركزش معاهم .
ومات الكلام.
عم سعيد قاعد هناك علي طربيظتة اللي متعود يقعد عليها .
عم سعيد :واد يا براهيم ((القهوجي))فين الشاي والشيشة يلا.
ابراهيم:لامو اخذة ياعم سعيد*
ابراهيم :واحد شاي مظبوط والتعميرة لعمك سعيد .....ايوة جااااااااي
انا والعياز بالله من كلمة انا :عم سعيد .يعم سعيد.....مين استاذ محمد.تعالي هات الكرسي بتاعك هنة عايذك
انا:اذيك ياعم سعيد اية الاخبار
عم سعيد:انا زي الفل انته اخبارك اية وفين ابوك معادش بيظهر زي الاول كدة لية
انا:معلش ياعم سعيد مشاغل بقي وانتة سيد العارفين الدنيا تلاهي بس هوة بيسلم عليك((وهوة ولا بيسلم علية ولا حاجة))
عم سعيد :انته ياد يابراهيم انته فين ياد يابن ال تيييييت. الشاي والشيشة يلا ...هاتشرب اية ياحمام
انا :لا شكرا انا الطلب بتاعي علي الطربيظة*
عم سعيد:الولية والعيال والمدارس وكيلو اللحمة وصل الشئ الفولاني....الخ
انا:بكلم نفسي ..يوووووة ياعم سعيد انا حفظت الاسطوانة المحروقه دي ..شاورت لواحد صاحبي يرن علي تليفوني...التليفون رن*
بعد اذنك ياعم سعيد هارد علي الموبايل
عم سعيد :اتفضل يا حبيبي رد علي تليفونك وروح اقعد مع اصحابك*
انا :عايز حاجة ياعم سعيد*
عم سعيد :لا شكرا ...رد يابني علي التليفون
انا :في بالي هههه تليفون اية بس ياعم سعيد
رجعت لصحابي..اوف عليك ياعم سعيد يارتني ماسلمت عليك
طربيظة هناك عليها شباب في سن 17
تامر تامر سمعت البوم اليسا الجديد*
تامر:اوووووو...البوم جامد فشخ
لؤي:الله عليها اليسا وهيا بتقول
لو عندي منك شوية امل .بصبر عليك وبحمل اللمابينحمل
الللللله كوبلية مالوش حل
تامر :بس حاسب انا سمعت ان نجم الجيل هاينزل البوم السنة دية هايكسر الدنيا ولا تقولي اليسا ولا غيرها
لؤي:يابني انا مش عارف اية سر حبك في الواد الايجس دة (((خدها مني نصيحة استرجل واسمع عمرو دياب))؛
انا:في بالي اخ يا ولاد الذين ..من ساعه ماقاعدتو ومافيش غير كلمة واحدة بس اتقالت((استرجل واسمع عمرو دياب))
طربيظة تانية قاعد عليها عم محمود واصحابة
بيكلم نفسة وبيقول اه ياولاد الذين سايبين مزاكرتكم وقاعدين بتتكلمو في الغاني علية العوض
انا لاحظتو وسمعتوا فاقولتلوا ياعم محمود ماتاخدش في بالك شباب بقي وعايش حياته*
عم محمود :علي رايك يابو حميد انا مالي يولعوا بس انا زعلان علي اهاليهم*
انا :سيبك انته وشد في الشيشة اللي قدامك الحجر انطفي
عم محمود:منهم لله هوة دة اللي استفدناه منهم
.....
التليفزيون شغال ومرة واحدة المصارعه اشتغلت
الكافتريا بقت هوس هوس ورزع الدومنا سكت والكراسي اتلفت والكل قعد ساكت ورفع دماغه
الناس بتوشوش بعضها*
اسكت الحلقه انهاردة هاتبقي دم للركب
..........
هوة مين اللي هايلعب
.........
لسة لسة مش عارفين (((((امال دم للركب اية بس))))
المهم الحلقة ابتدت والناس اندمجت*
في نفس الوقت دة كان واحد بيخبط علي كتفي*
ببص لقيته الحاج حسين ((يتجاوز الستين..بس ماتستغربوش ...عجوز عجوز بس رياضي))
انا علي طول قمت من علي الكرسي بتاعي وقعدتة علية*
شاورت لابراهيم جابلي كرسي تاني وقعدت وقولتله هات اللمون بتاع عمك حسين
قالي حمامة قولتلة بلاش حكاية حمامة دي والنبي اصلك لما بتقول حمامة
بلاقيك جاي بسرعه النمل اه ياحبيبي والنبي مش عايزين الراجل يموت ونفسة في
حاجة انجز
لاقيت عم حسين بيشدني من ايدي وانا قاعد جنبة بس متاثر قوي بالحلقة دي*
انا:اية ياعم حسين اية بس
عم حسين(مندمج مع التليفزيون))واد يامحمد*
انا:ايوة ياجدو عايز اية
عم حسين:اية اللي الناس بتتفرج علية دة قناه اية دي
انا:دي المصارعه ودي قناه البلد خاصة بالبلد بس ياعم حسين اسكت بقي ابوس رجلك انا مستني الحلقة دي بقالي شهر
عم حسين((بيجمع الكلام اللي انا قولتوا في دماغه)). ((بيكلم نفسة .مصارعة .قناه البلد))
واد يامحمد يعني اية قناه البلد *. *ولما هية قناه البلد العيال اللي بيضربو بعض في التليفزيون دول ولاد مين في البلد
ههههههههههههههه. *يخرب عقلك ياعم حسين
وفجاه فاصل
ونواصل في الحلقة القادمة ان شاء الله